സര്‍ക്കാര്‍ ജോലിയ്ക്കു് മലയാളം നിര്‍ബന്ധം - വാര്‍ത്ത മാര്‍ച്ചു് ൧0, ൨0൧൩
സര്‍ക്കാര്‍ സര്‍വ്വീസില്‍ പ്രവേശിക്കുന്നവര്‍ കുറഞ്ഞതു് പത്താം തരം വരെ എങ്കിലും മലയാളം പഠിച്ചിരിക്കണം, ഇല്ലെങ്കില്‍ ജോലി സ്ഥിരപ്പെടുത്തിക്കിട്ടാന്‍ കേരള പബ്ലിക്കു് സര്‍വ്വീസു് കമ്മിഷന്‍ നടത്തുന്ന മലയാളം എഴുത്തു പരീക്ഷ ജയിച്ചിരിക്കണം എന്ന നിയമ ഭേദഗതി നിര്‍ദ്ദേശം കേരള പബ്ലിക്കു് സര്‍വ്വീസു് കമ്മിഷന്‍ തത്വത്തില്‍ അംഗീകരിച്ചു. പരീക്ഷ നടത്തുന്നതു് കേരള പബ്ലിക്കു് സര്‍വ്വീസു് കമ്മിഷന്‍ ആയിരിക്കും. അതിനു എസു് എസു് എല്‍ സി യുടെ ഭാഷാനിലവാരം ഉണ്ടായിരിക്കും. ഇനി ടെസ്റ്റു് പാസ്സായി ജോലി കിട്ടിയാല്‍ തന്നെ പ്രൊബേഷന്‍ പ്രഖ്യാപിച്ചു് ജോലി സ്ഥിരപ്പെടുത്തി കിട്ടണമെങ്കില്‍ മലയാളം പരീക്ഷ പാസ്സാകേണ്ടതുണ്ടു്. പരീക്ഷയില്‍ തോറ്റാല്‍ കിട്ടിയ ജോലി നഷ്ടപ്പെടാന്‍ സാദ്ധ്യതയുണ്ടു്.
സിവില്‍ സര്‍വ്വീസു് പരീക്ഷ പാസ്സായി ജോലി കിട്ടുന്ന സംസ്ഥാനത്തിലെ തദ്ദേശ ഭരണഭാഷ പഠിക്കണം എന്ന നിയമത്തിന്റെ പിന്‍ബലത്തിലാണു് ഈ നിര്‍ദ്ദേശം സര്‍ക്കാര്‍ മുന്നോട്ടു് വച്ചതും കെ പി എസ് സി അതു് അംഗീകരിച്ചതും.
അന്യസംസ്ഥാനങ്ങളിലും വിദേശത്തും പത്താം തരം വരെ പഠിച്ച് കേരളത്തില്‍ സര്‍ക്കാര്‍ ജോലിയ്ക്കു് അപേക്ഷിക്കുകയും ജോലിയില്‍ പ്രവേശിക്കുകയും ചെയ്യുന്ന വിദേശമലയാളികളെയും അന്യസംസ്ഥാനമലയാളികളെയും ഈ ഭേദഗതി പ്രതികൂലമായി ബാധിക്കും.
.
ലിപിയെ ചൊല്ലി തര്ക്കം വേണ്ട. ഇതു് യൂണിക്കോഡാണു്. മലയാളം ഫോണ്ടു് തിരഞ്ഞെടുക്കുന്നതിനനുസരിച്ചു് നിങ്ങള്ക്കു് ഇതു് പഴയ ലിപിയിലോ പുതിയ ലിപിയിലോ വായിക്കാം. കാലഹരണപ്പെട്ടുകഴിഞ്ഞ സ്ഥിതിക്കു്, ടൈപ്പ്റൈറ്ററിനു വേണ്ടി ഇറക്കിയ 1971ലെ സര്‍ക്കാര്‍ ഉത്തരവു് റദ്ദാക്കിയാല് തീരുന്ന പ്രശ്നമേ അച്ചടിയില് ഉള്ളു.
No comments:
Post a Comment